Ipakpakaammo ti LGU Bangued a maipaay ti 10% discount manipud iti assessed tax liability dagiti masapa a mangipila ti aplikasionda ti business permit iti munisipio ti Bangued manipud Enero 3-10, 2019.

Daytoy ket tapno maliklikan ti panagdudupudop dagiti negosyante ken tricycle operator inton maudi nga aldaw iti panagproseso ti permit inton Enero 20, 2019, segun kenni Mr. Edgar Viado iti Business Permit and Licensing Office (BPLO).

Insiertona ti naannayas ken napartak a pannakaiproseso kadagiti business permit babaen iti computerized and systematic procedure iti LGU Bangued pakairamanan ti partisipasion dagiti dadduma nga ahensia ti gobierno kas iti Department of Trade and Industry Abra (DTI), Bangued-Philippine National Police, ken Rural Health Unit ti Bangued para kadagiti requirements a kasapulan.

More photos