Lima a pamilia ti OFW Iti naipaayan iti tulong pinansial babaen iti social services ti Overseas Filipino Workers Administration (OWWA) ditoy probinsia. Naited dagiti cheke babaen kada Maria Katrina Domingo, Family Welfare Officer ti OWWA-Abra ken Fredelina Biato, migrant desk officer ti gobierno probinsial itay bigat (Enero 17, 2019) sadiay Provincial Capitol Atrium.

Death and burial benefits nga aggatad iti P120,000.00 agingga P220,00.00 ti naipaay kadagiti tallo a beneficiaries ti OFW a pimmusay. Kanayunanna, dua nga OFW ti naipaayan iti sag-P20,000.00  a benepisio babaen iti Special Financial Assistance to Displaced OFWs ti OWWA. Dagitoy dagiti OFW a saan a napasuelduan iti kompania a nagtrabahoanda sadiay Saudi.

Segun kadagiti nabenepisiaran, nagun-od da daytoy a tulong babaen iti ipapanda pannakiuman iti opisina ti OWWA ditoy Abra. Katulongan met ti OWWA ti Philippine Overseas Labor Office (POLO) a mangtratar kadagiti pakaseknan dagiti OFW sadiay ballasiw-taaw.